மலைக்காட்சி

பச்சை போர்த்திய மலைகள்!..-நன்றாய்

இச்சை ஊட்டிய மலர்கள்!..
பிச்சை கொட்டிய அருவி!..-அழகாய்
கச்சை கட்டிய குறவர்!..

கட்டையோரம் ஊரும் அட்டை-கண்டேன்

அட்டையில் தீட்டா ஓவியமாய்!..

மலையூர் செல்லும் நரைமேகங்கள்-நன்றாய்

கலையூர் கொள்ளை கொண்ட திரவியமாய்!..

பாம்பாட்டம் ஆடிவரும் ஆறுகள்-பார்த்து

தெம்பூற்றாய் தேறிவந்தது உள்ளம்!..

கொம்புத்தேன் வழிந்தோடிய விழியில்-இனிமை

கொவ்வைக்கனியாய் கனிந்து நின்றது மனசு!..

காலைப்பனி காதலனை மடிதாங்கும்-நன்றாய்

காதலிப்புல் நுனி சாயும்!..

காமக்கதையை படித்து முடித்து-அதிகாலை

சிந்திய கண்ணீர்; அமுதப்பன்னீர்!..

பனியை மோரும் குதிரை-உற்று

குதியை கீறும் குளிரால்!..

மதியில் ஊறும் கவிதை-சற்று

உயிரில் உரசும் எழிலால்!..

தாவரங்கள தாங்கிய பட்சிகள்-பச்சை

பூமரங்கள் சிந்திய தேன் துளிகள்!..

கொடிமரங்கள் பற்றிய கொழுகொம்பு-கொழு

பொடிவைக்கும் அழகின் அலைவரிசை!..

இத்தனையும் அத்தனையாய் பத்திரமாய்-கண்டேன்

இன்பத்தின் அத்வைத பாத்திரமாய்!..

நுவரெலிய பயணத்தில்-நான்

மலை ஏறிய பேரூந்தில்!...

 மு.அ.மு. முர்சித் (இலக்கியன்)