ஒரு சிறு தொழில் எப்படி ஒரு குடும்பத்தை மாற்றுகிறது?Part 03 — “பெண்களும் குடும்ப பொருளாதாரமும்”

#முர்ஷித்

ஒரு நாட்டின் பொருளாதாரத்தைப் புரிந்துகொள்ள வேண்டும் என்றால், அதன் சந்தைகளை மட்டும் பார்க்கக் கூடாது.

அதன் சமையலறைகளையும் பார்க்க வேண்டும்.

ஏனெனில் இலங்கையின் பல சிறு தொழில்களின் பிறப்பிடம் — இன்னும் ஒரு பெண்ணின் சமையலறைதான்.

கைத்தொழில் துறையில் பணியாற்றிய காலங்களில், நான் சந்தித்த மிக வலிமையான தொழில் முனைவோர்களில் பலர் பெண்கள்தான்.

அவர்கள் பெரிய அலுவலகங்களில் இருந்தவர்கள் அல்ல.

பலர்:

•வீட்டுத்தாய்மார்கள்

•single mothers

•கணவரின் வருமானம் போதாத குடும்பங்களின் பெண்கள்

•அல்லது வாழ்க்கையால் கட்டாயப்படுத்தப்பட்ட போராளிகள்

ஆனால் அவர்களிடம் இருந்த ஒன்று — “என் குடும்பம் விழக்கூடாது” என்ற உறுதி.

ஒரு பெண் வீட்டிலிருந்து pickle தயாரிக்க ஆரம்பிக்கிறார்.

மற்றொருவர் tailoring செய்கிறார்.

யாரோ ஒருவர் snacks தயாரிக்கிறார்.

மற்றொருவர் beauty products உருவாக்குகிறார்.

ஆரம்பத்தில் இவை “சிறிய வேலை” என்று சமூகத்தால் பார்க்கப்படலாம்.

ஆனால் உண்மையில் இவை:

•குடும்பத்தை தாங்கும் பொருளாதார தூண்கள்

•குழந்தைகளின் கல்விக்கான மறைமுக முதலீடுகள்

•பெண்களின் சுயமரியாதைக்கான அமைதியான புரட்சிகள்

ஒரு பெண் தனது சொந்த வருமானத்தை சம்பாதிக்கும் தருணம் —

அது வெறும் பணம் சம்பாதிப்பது அல்ல.

அது “என்னாலும் முடியும்” என்ற உள்ளார்ந்த அறிவிப்பு.

பல குடும்பங்களில் நான் கவனித்த ஒரு முக்கியமான மாற்றம் என்னவெனில், பெண் தொழில் முனைவோர் உருவான பிறகு:

•குழந்தைகளின் கல்வி மேம்படுகிறது

•குடும்ப சேமிப்பு அதிகரிக்கிறது

•வீட்டின் பொருளாதார திட்டமிடல் ஒழுங்காகிறது

•குடும்பத்தின் எதிர்காலம் குறித்து நம்பிக்கை உருவாகிறது

ஏனெனில் பெண்கள் சம்பாதிக்கும் வருமானம் பெரும்பாலும் குடும்பத்தின் அடிப்படை தேவைகளுக்கே செலவிடப்படுகிறது.

ஆனால் பெண்கள் தொழில் முனைவோராக மாறும் பாதை எளிதானதல்ல.

அவர்கள் இன்னும் பல மறைமுக தடைகளை எதிர்கொள்கிறார்கள்:

•“இது பெண்கள் செய்யும் வேலைதானா?” என்ற சமூக மனநிலை

•குடும்ப பொறுப்புகளும் தொழிலும் இடையிலான சமநிலை

•சந்தை அணுகல் குறைபாடு

•டிஜிட்டல் அறிவின்மை

•நிதி ஆதரவு பற்றாக்குறை

இவை பல பெண்களின் வளர்ச்சியை மெதுவாக்குகின்றன.

ஆனால் உலகம் வேகமாக மாறிக்கொண்டிருக்கிறது.

இன்று ஒரு smartphone மற்றும் internet connection இருந்தாலே:

•வீட்டிலிருந்து online business நடத்த முடியும்

•Facebook page உருவாக்க முடியும்

•WhatsApp orders பெற முடியும்

•TikTok marketing செய்ய முடியும்

•island-wide delivery செய்ய முடியும்

இதுதான் digital economy-யின் புதிய சக்தி.

முன்பு பெண்கள் சந்தைக்கு செல்ல வேண்டியிருந்தது.

இப்போது சந்தையே பெண்களின் வீட்டுக்குள் வருகிறது.

இந்த மாற்றத்தை சரியாகப் பயன்படுத்தினால், இலங்கையின் கிராமிய பெண்கள் அடுத்த பொருளாதார மாற்றத்தின் மைய சக்தியாக மாறக்கூடும்.

ஒரு பெண் தொழில் முனைவோர் உருவாகும் போது,

ஒரு குடும்பம் மட்டும் மாறுவதில்லை.

அந்த வீட்டில் வளர்ந்த குழந்தைகள்:

•தன்னம்பிக்கையை கற்கிறார்கள்

•உழைப்பின் மதிப்பை புரிந்துகொள்கிறார்கள்

•பெண்களின் பொருளாதார சக்தியை நேரில் காண்கிறார்கள்

இதனால் ஒரு புதிய சமூக மனநிலையும் உருவாகிறது.

சில நேரங்களில் ஒரு நாட்டின் மிகப்பெரிய பொருளாதார மாற்றங்கள்,

அமைதியாக ஒரு சமையலறையில் ஆரம்பிக்கின்றன.

(தொடரும்…)