குற்றச் செயல்களைத் தடுப்பதற்கும் நாட்டின் நிலைபேருடைய அபிவிருத்தியை ஏற்படுத்துவதற்குமான சாத்தியப்பாட்டை திறப்பதற்கான வழி வகை.

முர்ஷித்

இலங்கையில் சமீபகாலமாக குற்றச்செயல்கள் பெருமளவு அதிகரித்திருப்பது செய்திகளூடாக அறியமுடிகிறது. கொலை, கொள்ளை, துப்பாக்கிச்சூடு, விபச்சார விடுதிகள் சுற்றிவளைப்பு, லஞ்சம் மற்றும் ஊழலென தினம் தினம் குற்றச்செயல்கள் பெருகிக்கொண்டே செல்கின்றன. இதற்கு நாட்டில் நிலவும் பொருளாதார நெருக்கடியும் காரணமாக இருக்கலாம்.

குற்றச் செயல்கள் ஒரு சமூகத்தின் வளர்ச்சிக்கு பெரும் தடையாகவும் சாபக்கேடாகவுமிருக்கிறது. குற்றச் செயல்கள் அதிகரிக்கும்போது, அது சமூகத்தில் அச்சம், பதற்றம் மற்றும் வன்முறை ஆகியவற்றை உருவாக்குகிறது.

இது பொருளாதார வளர்ச்சியைக் கட்டுப்படுத்துகிறது, சமூக ஒற்றுமையைக் சீர்குழைக்கிறது மற்றும் நாட்டின் மதிப்பைக் குறைக்கிறது.

குற்றச் செயல்களைத் தடுப்பதற்கும் நாட்டின் நிலைபேருடைய அபிவிருத்தியை ஏற்படுத்துவதற்கும், மக்களிடத்தில் ஆன்மீக மற்றும் கலை இலக்கிய ஈடுபாட்டை அதிகரிப்பதோடு உளவியல் மற்றும்  உடலியல் ரீதியான ஆரோக்கியத்தை வலுப்படுத்த வேண்டும்.

ஆன்மீக மற்றும் கலை இலக்கிய ஈடுபாட்டின் நன்மைகள்

ஆன்மீகம் மற்றும் கலை இலக்கியம் ஆகியவை மனித மனதை அமைதிப்படுத்தவும், நல்லொழுக்கத்தை வளர்க்கவும் உதவும்.

ஆன்மீக ஈடுபாடு ஒருவருக்கு நம்பிக்கையையும், உறுதியையும், சகிப்புத்தன்மையையும் வளர்க்கிறது. கலை இலக்கியம் ஒருவருக்கு அழகியல் உணர்வை வளர்த்து, படைப்பாற்றலை மேம்படுத்துகிறது.

உளவியல் மற்றும் உடலியல் ரீதியான ஆரோக்கியத்தின் முக்கியத்துவம்

உளவியல் மற்றும் உடலியல் ரீதியான ஆரோக்கியம் என்பது குற்றச் செயல்களைத் தடுப்பதற்கான முக்கிய அம்சங்களாகும். மன அழுத்தம், பதற்றம் மற்றும் மனநல பிரச்சினைகள் போன்றவை குற்றச் செயல்களுக்கு வழிவகுக்கும். எனவே, மக்களின் உளவியல் மற்றும் உடலியல் ரீதியான ஆரோக்கியத்தை மேம்படுத்துவதற்கு நடவடிக்கை எடுக்க வேண்டும்.

செயல்படுத்தக்கூடிய திட்டங்கள்

• ஆன்மீக மற்றும் கலை இலக்கிய ஈடுபாட்டை அதிகரிக்க, அரசாங்கம் மற்றும் சமூக, சமய அமைப்புகள் பல்வேறு திட்டங்களை செயல்படுத்தலாம்.

• ஆன்மீக அமைப்புகள் இலவச ஆன்மீக வகுப்புகள் மற்றும் தியானங்களை நடத்தலாம்.

• கலை மற்றும் இலக்கிய அமைப்புகள் இலவச கலைப் பயிற்சிகள் மற்றும் இலக்கியப் பயிற்சிகளை நடாத்துவதோடு   பண்பாடு மற்றும் கலாசாரங்களை பேணிப்பாதுகாக்கும் நிகழ்வுகளை நடத்தலாம்.

• உளவியல் ஆரோக்கியத்தை மேம்படுத்த, அரசாங்கம் மற்றும் அரச சார்பற்ற நிறுவனங்கள் இலவச மனநல சேவைகளை வழங்கலாம்.

• மனநல மருத்துவர்கள் மற்றும் சிகிச்சையாளர்களை கிராமப்புற மற்றும் நகர்ப்புற பகுதிகளில் நியமிக்கலாம்.

• மனநல பிரச்சினைகள் குறித்த விழிப்புணர்வு பிரச்சாரங்களை நடத்தலாம்.

• உடல் ஆரோக்கியத்தை மேம்படுத்த, அரசாங்கம் உடற்பயிற்சி மற்றும் ஆரோக்கியமான உணவுப் பழக்கவழக்கங்களை ஊக்குவிக்கலாம்.

• பாடசாலைகளில் மற்றும் பொது இடங்களில் உடற்பயிற்சி வசதிகளை மேம்படுத்தலாம்.

• ஆரோக்கியமான உணவு பொருட்களை மலிவான விலையில் கிடைக்கச் செய்யலாம்.

அவற்றின் ஊடாகவே குற்றச் செயல்களைத் தடுப்பதற்கும் நாட்டின் நிலைபேருடைய அபிவிருத்தியை ஏற்படுத்துவதற்குமான சாத்தியப்பாட்டை திறப்பதற்காக, மக்களிடத்தில் ஆன்மீக மற்றும் கலை இலக்கிய ஈடுபாட்டை அதிகரிப்பதோடு உளவியலில் ரீதியாகவும் உடலியல் ரீதியாகவும் ஆரோக்கியத்தை வலுப்படுத்த வேண்டும். இது ஒரு சமூகத்தினதும் தேசத்தினதும் நிலைபேருடைய வளர்ச்சிக்கும் இருப்பிற்கும் மிகவும் இன்றியமையாத விடயமாகும்.